पर्सा । नेपाली कम्युनिष्ट पार्टी (नेकपा) का सहसंयोजक माधवकुमार नेपालले संविधानको रक्षार्थ परिवर्तनकारी शक्तिहरूबीच एकताको विकल्प नभएको बताएका छन् ।
वीरगञ्जमा भएको पत्रकार भेटघाट कार्यक्रममा उनले संवैधानिक अधिकारको संरक्षणका लागि परिवर्तनकारी शक्तिबीच कार्यगत एकता आवश्यक रहेको बताए । “संविधान सामान्य परिवर्तनबाट आएको होइन, अहिलेको संविधानको रक्षा गर्न राजनीतिक दलबीच एकता, सहकार्य र समन्वय आवश्यक छ । जनतालाई सुशासनसहितको सेवा प्रवाहमा सबै एक भई अगाडि बढ्नुको विकल्प छैन,” उनले भने ।
आदिवासी महिला, जनजाति, मधेसी, दलित, मुस्लिम, अपाङ्गता भएका व्यक्ति, पिछपिडएको क्षेत्रलगायत सिमान्तृकत समुदायको संवैधानिक अधिकार संरक्षण गर्नु सबैको दायित्व रहेको उनको भनाइ छ ।
वर्तमान सरकारप्रति जनताको तीव्र आकांक्षा रहेकाले जनताको चाहनाअनुसार काम गर्नुपर्ने धारणा राखे । “देश अहिले विपद्मा छ, हिमाली बाडीका कारण ठूलो जनधनीको क्षति भएको छ ।
खोजी कार्यमा सरकारले उपलब्ध स्रोतसाधन, विभिन्न संघ संस्था तथा राजनीतिक दललाई पनि उद्धार र राहतमा खटाउनुपर्ने उनले बताए । गत भदौ २३ र २४ गते भएको जेनजी आन्दोलनका क्रममा भएको घटनाका सम्बन्धमा निष्पक्ष छानबिन गर्नुपर्ने माग गरे ।
