काठमाडौं । प्रतिनिधिसभाका सभामुख डोलप्रसाद अर्याल (डीपी)को शपथ आजै हुने भएको छ । राष्ट्रपति कार्यालयका अनुसार, आज (चैत २२) दिउँसो २:३० बजे सभामुखको शपथ ग्रहणको कार्यक्रम तय भएको छ ।
राष्ट्रपति रामचन्द्र पौडेलले अर्याललाई शपथ खुवाउने छन् । अर्याल सभामुखमा निर्विरोध निर्वाचित भएका हुन् । प्रतिनिधिसभाको आजको बैठकमा ज्येष्ठ सदस्य अर्जुननरसिंह केसीले अर्याल सभामुखमा निर्विरोध निर्वाचित भएको घोषणा गरे ।
