काठमाडौं । प्रतिनिधि सभा बैठक अनिश्चितकालका लागि स्थगित भएको छ । जेनजी आन्दोलनका क्रममा नयाँ बानेश्वरमा रहेकाे संघीय संसद भवन मंगलबार ध्वस्त भएपछि बुधबार दिउँसाे १ बजे बस्ने गरी बोलाइएको बैठक अनिश्चितकालका लागि स्थगित गरिएकाे संसद सचिवालयले जनाएकाे हाे ।
संघीय संसद सचिवालयका महासचिव पद्मप्रसाद पाण्डेले एक सूचना जारी गर्दै सभामुख देवराज घिमिरेले अर्को सूचना जारी नहुँदासम्मका लागि बैठक स्थगित गरेको जानकारी गराउनुभयाे ।
यस अघि भदौ २३ गतेका लागि बोलाइएको राष्ट्रिय सभा बैठक पनि सूचना टाँस गरेर अर्को सूचना जारी नभएसम्मका लागि स्थगित गरिएको थियो ।
