काठमाडौं। नेकपा एमाले नेता महेश बस्नेतको विरोध गर्न बाराको सिमरा विमानस्थलमा भेला भएका जेनजी र प्रहरीबिच झडप भएको छ। बस्नेत मधेस प्रदेश स्तरीय युवा जागरण अभियान कार्यक्रममा सहभागी हुन आज बारा आउने कार्यक्रम तय भएपछि जेनजीहरुले विरोध गरेका थिए ।
सिमराका जेनजी समूहका युवाहरूले सिमरा विमानस्थल घेराउ गरेपछि प्रहरीले बल प्रयोग गर्दा दुई पक्षबिच झडप भएको हो। अहिले विमानस्थलको सुरक्षामा जनपथ र सशस्त्र प्रहरीको ठुलो समूह खटाइएको छ। नेता बस्नेतलाई लिन अहिले विमानस्थलमा पूर्व मन्त्री तथा एमाले नेता किसान श्रेष्ठ, ज्वालाकुमारी साह र अच्युत मैनाली लगायतका नेताहरू विमानस्थलमा छन्। उनीहरूलाई पनि प्रहरीले सुरक्षा दिएर राखेको छ।
