काठमाडौं। साताको दोस्रो कारोबारको दिन सेयर परिसुचक नेप्से १५.५४ अंकले घटेको छ। यससँगै समग्र बजार मापक २५९४.१३ विन्दुमा झरेको नेपाल स्टक एक्सचेन्जले जनाएको छ ।
बजार घट्दा ६३ कम्पनीको सेयर मूल्य बढेको छ । १७५ कम्पनीको सेयर मूल्य घट्दा पाँच कम्पनीको मूल्य स्थिर रह्यो। बजार घटे पनि कारोबार रकम भने बढेको छ । यसदिन ६ अर्ब ६५ करोड ८ लाख ८३ हजार १०३ रुपैयाँ बराबरको सेयर खरिद बिक्री भएको छ । एक करोड ३८ लाख ७० हजार ५७९ कित्ता सेयर ६४ हजार २७८ पटकमा खरिद बिक्री भएको छ ।
बाराही हाइड्रो, सुपरमादी हाइड्रो, नारायणी विकास बैंक, सर्पोट माइक्रो फाइनान्स, नेपाल एसबीआई बैंक शीर्ष कमाउने कम्पनी रहे। समूहगत सूचकतर्फ १३ वटै समूह राताम्य देखिएका छन् । सबैभन्दा धेरै व्यापार समूह १.८९ प्रतिशत नकारात्मक रह्यो ।
