काठमाडौं। नेकपा एमालेको संसदीय दलको नेतामा रामबहादुर थापा बादल निर्वाचित हुनुभएको छ। बुधबार केन्द्रीय कार्यालय च्यासलमा भएको निर्वाचनमा उहाँ दलको नेता चयन हुनुभएको हो।
सुहाङ नेम्वाङले उम्मेदवार फिर्ता लिएसँगै बादल दलको नेता चयन भएको निर्वाचन समितिका संयोजक नीरज आचार्यले जानकारी दिनुभयो। दलको नेतामा इलाम–२ बाट निर्वाचित युवा सांसद नेम्वाङले पनि दाबी गर्नुभएको थियो। भर्खर सम्पन्न निर्वाचनमा एमालेले जम्मा २५ सिट जितेको थियो ।
