काठमाडौं । काठमाडौं महानगरपालिकाको लिफ्ट सेवाग्राहीका लागि खुला गरिएको छ । महानगरपालिकाका पूर्वप्रमुख बालेन्द्र शाह (बालेन) मात्रै प्रयोग गर्ने गरेको उक्त लिफ्ट मंगलबारबाट सेवाग्राहीका लागि खुला गरिएको हो । महानगरको उक्त लिफ्टमा बालेनले आफ्नो पासवर्ड राखेर आफूले मात्रै प्रयोग गर्ने गरेका थिए ।
महानगरका सहायक प्रवक्ता ध्रुवकुमार काफ्लेका अनुसार कार्यवाहक मेयर सुनिता डङ्गोलको निर्देशनमा लिफ्ट सेवाग्राहीका लागि खुला गरिएको हो । बालेनले राखेको पासवर्ड हटाएर सेवाग्राहीका लागि खुला गरिएको उनले बताए । महानगरको मेयरबाट राजीनामा दिएर उनी चुनावी मैदानमा छन् ।
