पाँचथर । पाँचथरको हिलिहाङ गाउँपालिका वडा नम्बर–६ ढकाल गाउँमा ट्रक दुर्घटना हुँदा एक जनाको मृत्यु भएको छ । दुर्घटनामा परेर २ जना घाइते भएका छन् ।
ताप्लेजुङबाट फिदिम जाँँदै गरेको ना ४ ख ७१२३ नम्वरको ट्रक ब्रेक फेल भई राजमार्गबाट ६० मिटर तल खसेको जिल्ला प्रहरी कार्यालय पाँचथरका प्रहरी निरिक्षक तथा सूचना अधिकारी बिनालाल शाहले जानकारी दिनुभयो ।
मृत्यु हुनेमा हिलिहाङ गाउँपालिका ३ का शंकर पौडेल रहेका छन् । यस्तै घाइते हुनेमा इलाम सूर्योदय नगरपालिकाका तेज बहादुर दास, ट्रक धनी विर्तामोडका राजकुमार बस्नेत रहेका छन् । घाइतेहरुको जिल्ला अस्पताल पाँचथरमा उपचार भइरहेको छ ।
