काठमाडौं । काठमाडौंको म्हेपीमा एक दम्पतीले खोलामा हाम फालेका छन् । घरायसी झगडापछि पहिले श्रीमतीले म्हेपी रानीबारी खोलामा हाम फालेका थिइन् भने त्यसपछि श्रीमानले हाम फालेका प्रहरीले जनाएको छ ।
काठमाडौं उपत्यका प्रहरी कार्यालयका प्रवक्ता एवं प्रहरी वरिष्ठ उपरीक्षक शेखर खनालका हाम फाल्नेमा रितु रोका र श्याम बुढाथोकी छन् । शनिबार दिउँसो सवा ४ बजेतिर हाम फालेका उनीहरूमध्ये बुढाथोकीको उद्धार गरिएको छ भने रोका बेपत्ता छन् । लगातारको झरीले उक्त खोलाको सतह बढेर अहिले भेल आइरहेको छ ।
खोलामा हाम फालेको देखेर धादिङको ज्वालामुखी गाउँपालिका घर भई म्हेपी बस्ने अमन टुन्चिङ मगर उनीहरूलाई बचाउन हाम फालेका थिए । मगरले श्रीमान बुढाथोकीलाई समाए । तर, उनलाई समेत बगाउन लागेपछि प्रहरीले दुवै जनाको उद्धार गरेको थियो ।
