काठमाडौं । नेपाल स्टक एक्सचेन्ज (नेप्से) परिसूचक दोहोरो अंकले बढेको छ । बिहीबार नेप्से सूचक ११.७७ अंक अर्थात् ०.४४ प्रतिशतले बढेर २६२९.८१ विन्दुमा बन्द भएको हो ।
बुधबार नेप्से सूचक ३६.२५ अंक अर्थात् १.३६ प्रतिशतले घटेर २६१८.०३ विन्दुमा बन्द भएको थियो । यस दिन कुल ३५६ कम्पनीको एक करोड ७२ लाख ७० हजार ४४९ कित्ता सेयर किनबेच भयो । पाँच अर्ब ४४ करोड ७३ लाख १३ हजार १६८ रुपैयाँको सेयर कारोबार भएको छ ।
१७६ कम्पनीको सेयर मूल्य बढेको छ । ९५ कम्पनीको सेयर मूल्य घट्दा सात कम्पनीको स्थिर रह्यो । सबैभन्दा बढी कमाउनेमा नेपाल ल्युव आईल, सोनापुर मिनरल एन्ड ओइल लि., कुमारी सबल योजना, घोराही सिमेन्ट इन्डष्ट्रिज र सीवाईसी नेपाल लघुवित्त छन् । यस्तै, सबैभन्दा बढी गुमाउने कम्पनीमा मिड सोलु हाइड्रोपावर, धौलागिरी लघुवित्त र सिटिजन्स सुपर ३० म्युचुअल फन्ड रहेका छन् ।
आज उपसमूहमध्ये निर्जीवन बिमा कम्पनीको सेयर मूल्य घटेको छ । यसबाहेक सबै उपसमूहको सेयर मूल्य बढेको नेप्सेको तथ्यांकमा उल्लेख छ ।
