काठमाडौं । सेयरबजार २७ सय विन्दुमा पुगेको छ। नेपाल स्टक एक्सचेन्जका अनुसार ३.३५ अंकले बढेको सूचक २७०३.३९ विन्दुमा थामिएको छ। आज कारोबारमा भने सुधार देखिएको छ। कुल ७ अर्ब ८४ करोडको कारोबारमा १ करोड ५५ लाख कित्ता सेयर बिक्री भएको हो।
यस दिन ९३ वटा सेयर बढ्दा १५१ वटा घटेका छन्। यीमध्ये ग्रिन भेन्चर लिमिटेडको सेयर ९.९९ प्रतिशतले बढ्दा बाँकी अधिकतम ६.९५ प्रतिशतसम्मले मूल्य बढेको छ। त्यसैगरी उपकार लघुवित्तको सेयर सर्वाधिक ७.८५ प्रतिशतले घट्दा बाँकी सेयरहरु अधिकतम ६.१३ प्रतिशतसम्म घटेका छन्।
सर्वाधिक कारोबारमा हिमालयन रि इन्स्योरेन्स अगाडि छ। कम्पनीको ७२ करोडको कारोबार भएको छ। त्यस्तै नेपाल पुनर्बीमा कम्पनीको ५५ करोडको र एनआरएन इन्फ्रास्ट्रक्चर एन्ड डेभलपमेन्टको ४२ करोडको कारोबार भएको छ।
