काठमाडौं । उदयपुरमा आगलागी हुँदा दुईजनाको मृत्यु भएको छ । चौदण्डीगढी नगरपालिका–७, बेल्टार बजारमा रहेको दुई घरमा मंगलबार (वैशाख ८) बिहान आगलागी भएको हो । मृत्यु हुनेमा ७० वर्षीय लक्ष्मी नारायण खड्का र ३० वर्षीय पवन खड्का रहेका जिल्ला प्रहरी कार्यालय उदयपुरका डीएसपी निरञ्जन थापाले जानकारी दिए ।
त्रियुगा र चौदण्डीगढी नगरपालिकाका दमकल, स्थानीय र प्रहरीको संयुक्त प्रयासमा आगो नियन्त्रणमा लिइएको हो । आगलागीको कारण खुल्न सकेको छैन ।
