काठमाडौं। गृहमन्त्री रमेश लेखकले स्पेन गएर नफर्किएकाहरूबारे छानबिन गर्न निर्देशन दिनुभएका छ। प्रधानमन्त्री केपी शर्मा ओलीको स्पेन भ्रमणमा सरकारी प्रतिनिधि मण्डल बाहेक गएको भन्ने विषयमा निष्पक्ष छानबिन गर्न गृह सचिव गोकर्णमणि दुवाडी र प्रहरी महानिरीक्षक दीपक थापालाई निर्देशन दिनुभएको हो।
‘प्रधानमन्त्रीज्यूको प्रतिनिधि मण्डल बाहेक स्पेन को को गए, कुन विधिप्रक्रिया र कुन संस्थामार्फत स्पेन भ्रमण गए भन्ने विषय छानबिन गर्न निर्देश गरेको छु,’ मन्त्री लेखकको सचिवालयका अनुसार उहाँले भन्नुभएको छ, ‘जानका लागि भिजिट भिषाको प्रबन्ध कस्ले गर्यो रु लगायतका विषयमा अनुसन्धान हुनेछ ।’
उक्त विषयको गहन छानबिनका लागि प्रहरीको केन्द्रीय अनुसन्धान ब्युरो र मानब बेचबिखन अनुसन्धान ब्युरो खटिनेछ। “यस विषयमा दोषी देखिएकाहरूलाई कारबाही गरिने छ’ उहाँले भन्नुभयो । प्रधानमन्त्री ओली गत १४ असारमा स्पेन भ्रमणमा जानुभएको थियो।
