शिवरात्रिको अवसरमा दूधौली नगरपालिकामा मूर्ति अनावरण

काठमाडौं । सिन्धुलीको दूधौली नगरपालिकाले शिवरात्रिको अवसरमा शिव भगवान, बुद्ध भगवानको मूर्ति तथा "दूधौली" लेखिएको पहिचान स्तम्भ अनावरण गरेको छ।

नगरपालिकाले शहीद स्मृति शान्ति पार्कमा निर्माण गरिएका शिव र बुद्धको मूर्तिको अनावरण गरेको हो। नगरप्रमुख दिनेश अधिकारीले मूर्ति तथा पहिचान स्तम्भको अनावरण गर्दै दूधौलीलाई उत्कृष्ट नगर बनाउने लक्ष्यसहित आगामी दिनमा नमुना नगरका रूपमा विकास गर्ने प्रतिबद्धता जनाए।

कार्यक्रममा उपमेयर चन्द्रकिशोर थारु, बागमती प्रदेश प्रमुख, सिन्धुली जिल्ला समन्वय पूर्व उपप्रमुख सम्झना अधिकारी, १० वडाका अध्यक्ष कुमार शर्मा, कार्यपालिका सदस्यहरू, विभिन्न राजनीतिक दलका प्रतिनिधिहरू तथा कर्मचारीहरूको उपस्थितिमा उद्घाटन सम्पन्न भएको थियो।