काठमाडौं । जिल्ला प्रशासन कार्यालय सिन्धुपाल्चोकले शुक्रबार देखि यहि असोज २० गतेसम्म रातिको समयमा अरनिको राजमार्ग लगायत जिल्लाभित्रका मुख्य र सहायक राजमार्गहरु बन्द गरेको छ।
प्रशासनले शुक्रबार साँझ ७ बजेदेखि बिहान ५ बजेसम्म सबै प्रकारका सवारी साधन जिल्लाभित्रका मुख्य र सहायक राजमार्गहरुमा सञ्चालन गर्न रोकेको हो । त्यस्तै, प्रशासनले क्षति र जोखिमको अवस्था हेरेर अन्य समयमा पनि राजमार्ग आकस्मिक रुपमा बन्द गर्न सक्ने जारी सूचनामा उल्लेख गरेकाे छ।
नदी किनाराका बस्तीका बासीन्दालाई सुरक्षित रहन अपिल समेत जारी गर्दै सुरक्षा परिचालनको तयारी समेत पूरा भएको प्रशासनले जनाएको छ।
