काठमाडौं। आइसिसी टी–२० विश्वकप एसिया तथा इस्ट एसिया प्यासिफिक छनोटअन्तर्गत सुपर सिक्सको तेस्रो खेलमा नेपालले आज ओमानसँग खेल्दैछ। लिग चरणदेखि अपराजित रहेको नेपालले आज घरेलु टोली ओमानलाई हराउन सके तेस्रो पटक टी–२० विश्वकप यात्रा पक्का गर्नेछ ।
नेपालले यसअघि पहिलो पटक सन् १०२४ मा बङ्गलादेशमा भएको र सन् २०२४ मा अमेरिका र वेस्ट इन्डिजमा सम्पन्न विश्कप खेलेको थियो।
आजको खेल ओमानको अल अमिरतस्थित ओमान क्रिकेट एकेडेमी मैदानमा राति ८ः४५ बजेबाट सुरु हुनेछ । आजको खेल दुवै टोलीका लागि फाइनलसरह महत्वपूर्ण छ। विगतको नतिजा हेर्दा नेपाल ओमानभन्दा बलियो छ । यसअघि दुई टोलीबिच भएको सात भिडन्तमा नेपालले पाँच र ओमानले दुई खेल जितेको छ ।
