काठमाडौं । आइसीसी यु–१९ महिला टी–२० विश्वकप क्रिकेट एसिया छनोटअन्तर्गत नेपालले आज आफ्नो तेस्रो खेल युनाइटेड अरब इमिरेट्स (यूएई)विरुद्व खेल्दैछ । खेल यूएइको मैदानमा आज बिहान ११.१५ बजे शुरु हुनेछ ।
बुधबारदेखि शुरु भएको प्रतियोगितामा नेपालले पहिलो खेल थाइल्यान्डसँग खेलेको थियो । उक्त खेलमा नेपालले थाइल्यान्डलाई ६७ रनको फराकिलो अन्तरले पराजित गरेको थियो ।
यस्तै नेपालले आफ्नो दोस्रो खेल बिहीबार कुवेतसँग खेलेको थियो । उक्त खेलमा पनि नेपालले कुवेतलाई १ सय ८ आठ रनले पराजित गरेको थियो ।
आयोजक यूएईसहित नेपाल, कुवेत र थाइल्यान्ड प्रतियोगितामा सहभागी भएका छन् । सहभागी भएका चार टोलीमध्ये शीर्ष स्थान हासिल गर्ने टोली आईसीसी यु–१९ महिला टि–२० विश्वकपका लागि छनोट हुनेछ ।
