काठमाडौं । नेकपा (एमाले)का पूर्वकेन्द्रीय सदस्य तथा मुगुको खत्याड गाउँपालिकाका पूर्वअध्यक्ष उब्जनबहादुर शाही नवगठित नेपाली कम्युनिस्ट पार्टीमा प्रवेश गरेका छन् । नेपाली कम्युनिस्ट पार्टीका सहसंयोजक माधवकुमार नेपाल, नेताहरू प्रकाश ज्वाला, चन्द्रबहादुर शाही, ठगेन्द्रप्रकाश पूरीले बिहीबार (कात्तिक २०) शाहीलाई पार्टीमा स्वागत गरे ।
एमालेका सल्लाहकार यदुवंश झा पनि उक्त पार्टीमा समाहित हुने भएका छन् । सहसंयोजक नेपालसँग नेता झाले एमाले परित्याग गरेर आउन तयार रहेको जानकारी गराइसकेका स्रोतले जानाएको छ ।
