काठमाडौं। कतारको एउटा सैन्य हेलिकोप्टर खाडी राष्ट्रको जलक्षेत्रमा दुर्घटना हुँदा त्यसमा सवार सातजना मध्ये कम्तीमा ६ जनाको मृत्यु भएको सरकारी अधिकारीहरूले बताएका छन् । कतारको आन्तरिक मन्त्रालयले आइतबार दिएको जानकारी अनुसार, बेपत्ता रहेका अन्तिम एक व्यक्तिको खोजी कार्य अझै जारी रहेको बताइएको छ ।
“नियमित ड्युटीका क्रममा कतारी हेलिकोप्टरमा प्राविधिक गडबडी आएपछि यो राज्यको क्षेत्रीय जलक्षेत्रमा दुर्घटनाग्रस्त भएको छ,” कतारको रक्षा मन्त्रालयले सामाजिक सञ्जाल एक्समा जारी गरेको विज्ञप्तिमा उल्लेख छ ।
