सुर्खेत । नेकपा (एमाले)ले प्रतिनिधिसभामा समानुपातिक सांसदको नामावली टुंगो लगाएसँगै कर्णालीबाट एशुदा कुमारी बराल समेटिएकी छन् ।
कालीकोट रास्कोट नगरपालिका–८ फुकोटकी स्थायी बासिन्दा बराल लामो समयदेखि नेकपा (एमाले)को राजनीतिमा आबद्ध छिन् । उनी पिछडिएको क्षेत्रबाट समानुपातिक सांसदमा समेटिएकी हुन् ।
शनिबार (फागुन ३०) भक्तपुरको गुन्डुस्थित पार्टी अध्यक्ष केपी शर्मा ओलीको निवासमा बसेको सचिवालय बैठकबाट नाम टुंगो लगाइएको एमाले सचिव महेश बस्नेतले जानकारी दिएका छन् ।
