काठमाडौं । काठमाडौंमा जारी एन्फा राष्ट्रिय लिगमा सातदोबाटो युथ क्लब नवजनजागृति क्लबसँग बराबरीमा रोकिएको छ । शनिबार सातदोबाटोस्थित एन्फा कम्प्लेक्समा भएको खेलमा सातदोबाटो र नवजनजागृतिले १–१ गोलको बराबरी खेलेका हुन् ।
खेलको २६औँ मिनेटमा विक्रम थोकरले नवजनजागृतिका लागि गोल गरेका थिए भने खेलको ४८औँ मिनेटमा अरुण लामाले सातदोबाटोका लागि गोल गर्दै बराबरीमा ल्याएका थिए ।
त्यसपछि दुवै टोलीबाट कुनै गोल हुन सकेन । बराबरीसँगै नवजनजागृति क्लबले १० खेलपछि पहिलो अंक जोड्न सफल भएको छ । समान खेल खेलेको सातदोबाटोको ८ अंक छ ।
