काठमाडौं । भारतको प्रमुख प्रतिपक्ष दल भारतीय राष्ट्रिय कांग्रेसका वरिष्ठ नेता तथा पूर्वगृहमन्त्री शिवराज पाटिलको निधन भएको छ । परिवारलाई उद्धृत गर्दै समाचार एजेन्सी पीटीआईले जनाएअनुसार, पाटिल बिरामी थिए । उनी ९१ वर्षका थिए ।
शुक्रबार बिहान स्थानीय समयानुसार करिब साढे ६ बजे लातुरस्थित आफ्नै निवासमा उनको निधन भएको जनाइएको छ । पाटिल चाकुरकर मराठवाडाको लातुरबाट सांसद निर्वाचित भएका थिए । सन् २००८ मा मुम्बईमा भएको हमलाको समयमा उनी देशको गृहमन्त्री थिए ।
