काठमाडौं। काठमाडौं महानगरपालिकाका मेयर बालेन शाहको पार्टी कार्यालय आजबाट सञ्चालनमा आउने भएको छ। मेयर बालेन शाहले दल सञ्चालनका लागि ललितपुर महानगरपालिका वडा नम्बर १० स्थित ज्वागलमा दुई तले घर भाडामा लिनुभएको छ।
बाहिर रङरोगन नगरिए पनि भित्री डेकेरेसनका केही काम सकिएकाले आजबाट सञ्चालनमा ल्याउन योग्य रहेको उहाँको सचिवालयले जानकारी दिएको छ। पछिल्ला दुई दिन राजनीतिक भेटवार्ता तीव्र बनाउनुभएका बालेनले आगामी भेटघाट र संवाद त्यही घरबाट गर्दै हुनुहुन्छ। ‘आजबाट कुमार बेनको घरमा भेटघाट हुँदैन। पार्टी कार्यालयमै भेटघाट हुने छ,’ उहाँको सचिवालयले जानकारी दिए।
आज काठमाडौं महानगरपालिकाको नगरसभाको १८ औं अधिवेशन भएकाले मेयर शाह त्यतै व्यस्त रहने उनको सचिवालले जानकारी दियो।
