काठमाडौं। नेपाल स्टक एक्सचेञ्ज परिसूचकमा नेप्से आज ३.२७ अङ्कले बढेर २५८४.४९ विन्दुमा पुगेको छ। यो अघिल्लो दिनको तुलनामा ०.१२ प्रतिशतको वृद्धि हो ।
आज बजारमा ३ अर्ब ४२ करोड कारोबार भएको छ । कुल ९२ हजार ७४६ पटकको कारोबारमार्फत ३२८ कम्पनीका ७६ लाख ६८ हजार ९१५ कित्ता सेयर खरिदबिक्री भएका छन् । आजको कारोबारमा १३४ कम्पनीको सेयर मूल्य बढेको छ भने ११७ कम्पनीको मूल्य घटेको छ । कारोबार भएकामध्ये बाँकी ८ कम्पनीको मूल्य भने स्थिर रहेको छ ।
आज बजारमा कुल १३ समूहका सूचकमध्ये ७ सूचक बढेका छन् भने बाँकी ६ समूहका सूचक घटेका छन् । अन्य समूहमा सबैभन्दा धेरै १.२८ प्रतिशत वृद्धि हुँदा अरू सबै समूहमा एक प्रतिशत भन्दा कम उतारचढाव रहेको छ । आज एसवाई प्यानलका लगानीकर्ताले सबैभन्दा धेरै कमाएका छन् । यस कम्पनीको सेयर मूल्य ७.०१ प्रतिशत बढेर ८०६ रुपैयाँ पुगेको छ ।
त्यस्तै गुराँस लघुवित्तको मूल्य ६.०१ प्रतिशत र सयपत्री हाइड्रोपावर को ५.९६ प्रतिशतले वृद्धि भएको छ । आज सिटिजन्स लाइफ कम्पनीको सेयर मूल्य सर्वाधिक ५.९७ प्रतिशतले घटेको छ। कारोबार रकमका आधारमा पनि एसवाई प्यानल नै शीर्ष स्थानमा रह्यो, यो कम्पनीको ३० करोड ९८ लाख रुपैयाँ भन्दा बढीको सेयर किनबेच भएका छन् । अरू कम्पनीको १० करोडभन्दा कम नै कारोबार भएको छ ।
