काठमाडौं । कामना सेवा विकास बैंक लिमिटेडले बुद्ध पूर्णिमा र उभौली पर्वको अवसरमा सम्पूर्ण ग्राहक, शेयरधनी, शुभचिन्तक तथा नेपाली जनसमुदायमा सुख, शान्ति, समृद्धि र उत्तरोत्तर प्रगतिको शुभकामना व्यक्त गरेको छ।
बैंकले यी सांस्कृतिक तथा धार्मिक पर्वहरू नेपाली सभ्यता र पहिचानको महत्वपूर्ण अङ्ग भएको उल्लेख गर्दै विविधतामा एकताको सन्देश फैलाउने कार्यमा यस्ता चाडपर्वको भूमिका महत्वपूर्ण हुने बताएको छ।
बैंकद्वारा जारी शुभकामना सन्देशमा उल्लेख छ, “बुद्ध पूर्णिमा, जसले अहिंसा, शान्ति र करुणाको सन्देश दिन्छ, र उभौली, जसले प्रकृतिप्रतिको सम्मान तथा किराँत समुदायको सांस्कृतिक जीवनशैलीलाई प्रतिबिम्बित गर्छ — यी पर्वहरूले हामी सबैलाई सहिष्णुता, सद्भाव र एकतामा बाँध्ने अवसर दिन्छन्।”
कामना सेवा विकास बैंकले दीर्घकालीन विश्वास, सरल सेवा र प्रविधिमैत्री बैंकिङ प्रणालीमार्फत ग्राहक सेवा सुदृढ पार्दै लगिरहेको समेत जानकारी गराएको छ। साथै, बैंकले आगामी दिनहरूमा अझ प्रभावकारी र नविनतम सेवासहित देशभर सेवा विस्तार गर्दै लैजाने प्रतिबद्धता व्यक्त गरेको छ।
