काठमाडौं। काठमाडौं महानगरपालिका–९ सिनामङ्गलस्थित होटल जन्मभूमिमा युवा र युवती एकैठाउँमा मृत फेला परेका छन् ।
परशुराम आचार्यको पाँचतले घरमा खोटाङका रामजी कटुवालले सञ्चालन गरेको होटलमा आइतबार उनीहरू एकै ठाउँमा मृत भेटिएका जिल्ला प्रहरी परिसर काठमाडौंका प्रवक्ता, प्रहरी उपरीक्षक नवराज अधिकारीले जानकारी दिए ।
उनका अनुसार सुनसरीका अन्दाजी ३४ वर्षीय रमेश माझी र मोरङकी २९ वर्षीया शर्मिलाकुमारी माझी उक्त होटलको कोठा नम्बर १२० को अगाडि बरन्डाको रेलिङमा सेतो कपडाको सलले पासो लगाएको अवस्थामा फेला परेका हुन् ।
उनीहरू शनिबार बेलुकी अन्दाजी १८ः४५ बजेको समयमा उक्त होटलको चौथो तलाको कोठा नम्बर १२० भाडामा लिई बसेको होटलको दर्ता किताबमा दर्ता गरेको पाइएको छ । उनीहरू श्रीमान श्रीमती रहेको बताइएको छ ।
उक्त घटनाका विषयमा जिल्ला प्रहरी परिसर काठमाडौं तथा उपत्यका अपराध अनुसन्धान कार्यालयबाट समेत टोली खटाएर थप अनुसन्धान थालिएको अधिकारीले जानकारी दिए । उनीहरू शनिबार मात्रै क्यानडाबाट फर्केिएका खुलेको छ
