काठमाडौं । बर्दियाको गुलरिया नगरपालिका–५ भादा नदीमा नुहाउने क्रममा डुबेर बेपत्ता युवक सृजन पोख्रेलको शव सशस्त्र प्रहरीको गोताखोरले फेला पारेको छ । उनी बैशाख १० गते नदिमा नुहाउने क्रममा डुबेर बेपत्ता भएका थिए ।
सोही ठाउँको सयलवा रामबाघ बस्ने १९ वर्षीय पोख्रेलको शव बैशाख १२ गते बिहान सशस्त्र प्रहरीको गोताखोरले फेला पारेको सशस्त्र प्रहरीका सहप्रवक्ता शैलेन्द्र थापाले बताए । नुहाउने क्रममा बेपत्ता भएको खबर पाएलगत्तै सशस्त्र प्रहरी बल नं. ३१ गण बर्दियाबाट गोताखोरसहितको टोली पोख्रेलको खोजीमा खटिएको थियो ।
