काठमाडौं । ब्राजिलका विश्वविख्यात खेलाडी नेयमार जुनियरले भेनेजुएलामा गत बुधबार आएको भूकम्पपीडितलाई साढे दुई लाख अमेरिकी डलर सहयोग गरेका छन् । स्पेनी भाषाको मिडिया एल सुमारियोलाई साभार गरेर भारतीय अखबार टाइम्स अफ इन्डियाले उल्लेख गरेअनुसार नेयमारले उद्धार र मानवीय सहायताको लागि उक्त रकम सहयोग गरेका हुन् ।
एल सुमारियोका अनुसार नेयमारले भनेका छन्, ‘मेरो हृदय भेनेजुएलाका जनताको पक्षमा छ ।’ भेनेजुएलाको भूकम्पमा परेर १ हजार ४ सय जनाको ज्यान गएको पुष्टि भएको छ भने चालिस हजार भन्दा धेरै हराइरहेका बताइएको छ ।
