काठमाडौं। पूर्वमन्त्री एवं नेकपा एमाले नेता लीलाबल्लभ अधिकारीविरुद्ध मुद्दा नचलाउने सरकारी वकीलविरुद्धको रिट दरपिठविरुद्धको निवेदनमा आज सुनुवाइ हुने भएको छ ।
यसअघि वरिष्ठ अधिवक्ता दिनेश त्रिपाठीले पेस गरेको रिट निवेदन सर्वोच्च अदालतका रजिस्ट्रार भद्रकाली पोखरेलले रिट दर्ता गर्न अस्वीकार गर्दै दरपिठ गर्नुभएको थियो ।
मानव तस्करी गरी जापान पठाएको अभियोगमा अधिकारी पक्राउ पर्नुभएको थियो । तर उनलाई अनुसन्धान गर्न नपर्ने जिकिर गर्दै सरकारी वकील कार्यालयले मुद्दा नचलाउने निर्णय गरेको थियो ।
उक्त निर्णय बदर हुनुपर्ने र पुनः अभियोग पत्र दायर गर्नु भनी आदेश माग गरेर त्रिपाठी सर्वोच्च पुग्नुभएको थियो ।
