काठमाडौं। बुधबार नेप्से ४.९८ अंकले घटेर २५६१.०८ विन्दुमा रोकिएको छ। आज ३३८ कम्पनीको ५० हजार ६२६ पटकको कारोबारमा ८३ लाख ८८ हजार ३७३ कित्ता सेयर किनबेच भए। जसमा आज तीन अर्ब ७७ करोड ८६ लाख ३२ हजार ७७१ रुपैयाँबराबरको कारोबार भयो। आजको कारोबारमा चार समूहको सूचक मात्र बढ्दा बाँकी सबै घटे।
आज माबिलुङ इनर्जी लिमिटेड र दरम हाइड्रो लिमिटेड को सेयरमूल्यमा सकारात्मक सर्किट लाग्यो। यसैगरी कर्पोरेट डेभलपमेन्ट बैंक लिमिटेडको सेयरमूल्यमा ६.०३ प्रतिशतले घट्यो। बरुण हाइड्रोपावर कर्पोरेट लिमिटेडको आज सबैभन्दा धेरै २७ करोड ४० लाख ४४ हजार ४२१ रुपैयाँबराबरको कारोबार भएको छ। जसको अन्तिम सेयरमूल्य प्रतिकित्ता ३४४ रुपैयाँ कायम रह्यो।
