काठमाडौं। नेपाल सुनचाँदी व्यवसायी महासंघका अनुसार आज पनि सुनको मूल्य बढेको छ। प्रतितोला ६ सय बढेर आज सुनको मूल्य प्रतितोला १ लाख ७० हजार २ सय रुपैयाँ पुगेको छ।
गएको शुक्रबार थोरै घटेको सुनको मूल्य त्यसयताका तीन दिन लगातार बढिरहेको छ। सुनको मूल्य हिजो प्रतितोला एक हजार चारसय रुपैयाँ बढेको थियो ।
आज चाँदीको मूल्य भने प्रतितोला ३० रुपैयाँ घटेको छ। आज चाँदी प्रतितोला एक हजार नौसय ४५ रुपैयाँमा किनबेच भइरहेको छ। हिजो चाँदीको मूल्य प्रतितोला एक हजार नौसय ७५ रुपैयाँ थियो।
