काठमाडौं। नेपाल सुनचाँदी व्यवसायी महासंघका अनुसार नेपाली बजारमा आज सुनचाँदीको मूल्य बढेको छ। बुधबार तोलामा सात सय रूपैयाँ घटेको सुनको मूल्य यसदिन भने प्रतितोला ३ सय रूपैयाँ बढेको हो।
आज सुनको मूल्य प्रतितोला ३ सय रूपैयाँले बढेर तीन लाख दुई हजार पाँच सय रूपैयाँमा किनबेच भइरहेको छ। बुधबार सुन प्रतितोला तीन लाख दुई हजार दुई सय रूपैयाँमा कारोबार भएको थियो।
यस्तै, बिहीबार चाँदीको मूल्य पनि बढेको छ। बुधबार तोलामा पाँच हजार सात सय १० रूपैयाँमा कारोबार भएको चाँदी बिहीबार पाँच हजार सात सय ४५ रूपैयाँमा कारोबार भइरहेको छ। यो मूल्य अघिल्लो दिनको तुलनामा प्रतितोला ३५ रूपैयाँ बढेको हो।
