काठमाडौं। महिला यु १९ टि ट्वान्टी विश्व कपको एसिया छनोटमा नेपालले आज कुवेतको सामना गर्दैछ। युएईको अजमानमा बिहान ११ः१५ बजे खेल सुरु हुने क्यानले जनाएको छ ।
यस अगाडि नेपालले ३ खेलमा जित र युएईसँगको १ खेलमा हार व्यहोरेको थियो। नेपालले पहिलो खेलमा थाइल्याण्डलाई ६७ रन, दोस्रोमा कुवेतलाई १ सय ८ रन र चौथो थाइल्याण्डलाई १०६ रनले पराजित गरेको थियो । तेस्रो खेलमा भने नेपाल युएईसँग १३ रनले पराजित भएको थियो।
कात्तिक २९ गते सम्म चल्ने प्रतियोगितामा नेपाल, घरेलु टोली, कुवेत र थाइल्याण्डको सहभागिता छ । नेपालको अन्तिम खेल युएईसँग पुन खेल्नेछ। प्रतियोगितामा नेपाल, युएई, कुवेत र थाइल्याण्ड रहेको छनोटको शीर्ष टोली विश्वकपका लागि छनोट हुनेछ। विश्वकप अर्को वर्ष मलेसियामा आयोजना हुँदैछ।
