काठमाडौं। ओमानमा आजदेखि सुरु हुने आईसीसी टी २० विश्वकप एसिया तथा इस्ट एसिया पेसिफिक रिजनल फाइनलको आफ्नो पहिलो खेलमा नेपालले कुवेतसँग खेल्दैछ । नेपालले पहिलो चरणमा जापान र कुवेतसँग खेल्दैछ ।
ओमानको अल अमेरतस्थित ओमान क्रिकेट एकेडेमी टर्फ १ मा हुने खेल नेपाली समयअनुसार बेलुका ८ः४५ बजेदेखि सुरु हुनेछ। टी २०आई क्रिकेटमा हालसम्म नेपाल र कुवेत ३ पटक भेट भएका छन्। जहाँ नेपालले २ खेल जित्दा कुवेतले १ खेल जितेको छ।
पछिल्लोपटक नेपाल र कुवेत यसै वर्ष अप्रिलमा हङकङमा भएको चारदेशीय शृंखलामा दुईपटक भिडेका थिए। लिग चरणमा नेपालले कुवेतलाई हराउँदा फाइनलमा भने कुवेतले नेपाललाई हराएको थियो।
