काठमाडौं । पशु स्वास्थ्य तथा पशु सेवा परिषद् २०८१ को पहिलो निर्वाचनका लागि लोकराज भुसालले उपाध्यक्ष पदका लागि उम्मेदवारी दिएका छन् । आगामी माघ १८ गते हुने हुने ऐतिहासिक निर्वाचनका लागि पशुवास्थ्यको विषयमा लामो विज्ञता हासिल गरेका भुसालले उम्मेद्वारी दिने तयारी गरेका हुन् ।
विसं २०४७ सालदेखि नेपाल पारा भेटेरिनरी एण्ड लाइभस्टक एसोसिएसनको संस्थापक सदस्यका रूपमा काम सुरु गरेका भुसालले पेशाकर्मीहरूको हक, हित र सामाजिक सुरक्षा सुनिश्चित गराउन लामो संघर्ष गरेका छन्। २०७९ मा संसदबाट लागू भएको पशु स्वास्थ्य तथा पशु सेवा व्यवसाय परिषद ऐनको प्रभावकारी कार्यान्वयनमा उनको उल्लेखनीय योगदान रहेको छ। पशु स्वास्थ्य र सेवा क्षेत्रको सुधार ल्याउन परिषदको प्रभावकारी गठन र कार्यान्वयनमा उनले महत्वपूर्ण भूमिका खेल्दै आएका छन् ।
उपाध्यक्ष पदका उम्मेद्वार भुसालका प्राथमिकताहरु
पेशागत मर्यादा र दक्षताको सुनिश्चितता: पेशाकर्मीहरूको सम्मान र सामाजिक सुरक्षामा सुधार।
पशु र मत्स्य क्षेत्रको दिगो विकास: नेपालको कृषि र पशुपालन क्षेत्रको समृद्धिका लागि ठोस योजनाहरू।
गुणस्तरीय सेवा प्रवाह: प्राविधिक क्षमता विकासमार्फत जवाफदेही र गुणस्तरीय सेवा।
सहयोग र सहकार्यको माहौल: सबै सरोकारवालासँग मिलेर मैत्रीपूर्ण कार्य वातावरण सिर्जना।
अन्तर्राष्ट्रिय मान्यता: नेपालका पशुपन्छी र मत्स्य क्षेत्रलाई अन्तर्राष्ट्रिय मञ्चमा प्रस्तुत गर्दै, त्यसको प्रतिष्ठा वृद्धि।
पेशाकर्मीहरूको हकको सुनिश्चितता, पशुपन्छी, मत्स्य क्षेत्रको दिगो विकास र समृद्धिका लागि समर्पित रहँदै आएका भुसाल उपाध्यक्षको पदमा योग्य उम्मेदवार रहेको विज्ञहरुको बुझाई छ ।
