काठमाडौं। प्रधानमन्त्री केपी शर्मा ओली र अर्थमन्त्री विष्णु पौडेलले अदालतको अवहेलना गरेको भन्दै अधिवक्ता वरिष्ठ दिनेश त्रिपाठीले दायर गरेको रिट सोमबार सर्वोच्च अदालतका न्यायाधीशद्वय कुमार रेग्मी र नित्यानन्द पाण्डेको इजलासमा परेको छ । गएको जेठ २८ गते अधिवक्ता त्रिपाठीले यसअघि सर्वोच्चको परमादेशबाट खारेज गरिएका कार्यक्रम पुनः राखेर अदालतको अवहेलना गरेको भन्दै मुद्दा दायर गरेका थिए ।
०७८ सालमा हालकै प्रधानमन्त्री र अर्थमन्त्री रहेका बेला बजेटमा खानीजन्य वस्तुको निकासीसहितको प्रावधान राखिएको थियो । उक्त प्रावधान सर्वोच्चले खारेज गरिदिएको थियो । सोही प्रावधान आउँदो आर्थिक वर्षका निम्ति जेठ १५ मा ल्याएको बजेटको बुँदा नम्बर ८७ मा राखिएपछि त्रिपाठीले प्रधानमन्त्री र अर्थमन्त्रीलाई विपक्षी बनाएर अदालतको अवहेलना मुद्दा दायर गरेका थिए ।
