Logo

कास्की प्रहरीले ल्यायो ‘क्यूआर कोड’


Nagarik Abaj ५ मंसिर २०८०, मंगलवार १०:२५ मा प्रकाशित

काठमाडौं । जिल्ला प्रहरी कार्यालय कास्कीले सर्वसाधारणको सहजताका लागि नागरिकका गुनासा तथा सुझाव सुन्न ‘क्यूआर कोड’ कार्यान्वयनमा ल्याएको छ ।

यस क्युआर कोडबाट पठाइएका गुनासो सजिलै सम्बन्धित निकायसम्म पुग्ने र गोप्य हुने जिल्ला प्रहरी कार्यालय कास्कीका प्रमुख मोहन कुमार थापाले बताउनु भयो ।

यस्तो प्रविधिले आम जनताका समय बचत हुनुका साथै पठाइएका गुनासा र सुझाव छिटो कार्यान्वयन हुने हुँदा क्युआर कोड प्रविधि प्रभावकारी सिद्ध हुने कुरामा प्रमुख थापा विश्वस्त हुनुहुन्छ ।

जिल्ला तथा मातहतका प्रहरी कार्यालयहरूमा कार्यरत प्रहरी तथा कर्मचारीहरूविरूद्ध उजुरी गर्नुपरे, सुझाव दिनुपरे वा कामकारवाहीका बारेमा जानकारी लिनुपरेमा अनलाइनमार्फत गर्न सकिने व्यवस्था मिलाइएको उहाँले जानकारी दिनुभयो ।

निवेदकले क्यूआर कोड स्क्यान गरेर आफ्नो नाम ठेगाना गोप्य राखी गुनासो राख्न तथा सुझाव दिन सक्नेछन् ।


ताजा समाचार