काठमाडौं । राष्ट्रपति रामचन्द्र पौडेल भूकम्प प्रभावित क्षेत्र जाजरकोट र पश्चिम रुकुम पुग्नुभएको छ ।
राष्ट्रपति मंगलबार नेपाली सेनाको हेलिकप्टर चढेर भूकम्प प्रभावित क्षेत्र पुग्नुभएको हो । राष्ट्रपति शुक्रबार रातिको भूकम्पबाट प्रभावित नागरिकहरुको अवस्था बुझ्न जाजरकोट र पश्चिम रुकुम जानुभएको हो ।
राष्ट्रपतिले भूकम्पपछि देशको अवस्था प्रतिकूल भएको भन्दै कात्तिक २१ गते देखि तय भएको युरोप भ्रमण समेत स्थगित गर्नुभएको छ ।
