काठमाडौं । नेकपा (एकीकृत समाजवादी)को केन्द्रीय कमिटी बैठक आज पनि जारी छ । बिहान ८ बजेबाट सुरु भएकाे बैठकमा बाँकी केन्द्रीय सदस्यले धारणा राख्ने क्रम जारी रहेकाे उपमहासचिव तथा प्रचार विभाग प्रमुख जगन्नाथ खतिवडाले जानकारी दिनुभयाे ।
मंगलबारको बैठकमा अध्यक्ष माधवकुमार नेपालले राजनीतिक प्रतिवेदन प्रस्तुत गर्नुभएकाे थियाे । उहाँको प्रतिवेदनमाथि केन्द्रीय सदस्यहरूले धारणा राखिरहेका छन् । एकजनालाई बोल्नका लागि पाँच मिनेटको समय दिइएको बताइएकाे छ ।
उपमहासचिव तथा प्रचार विभाग प्रमुख खतिवडाका अनुसार बैठक आज सक्ने तयारी छ ।
