काठमाडौं। लोकप्रिय कर्खा गायक लालबहादुर गन्धर्वको बिहीबार निधन भएको छ। गोरखाको भीमसेनथापा गाउँपालिका १ घ्याम्पेशाल निवासी उनको ८० वर्षको उमेरमा निधन भएको हो।
क्यान्सरबाट ग्रस्त उनको घ्याम्पेशालस्थित आफ्नै निवासमा निधन भएको हो। नौ वर्षकै कलिलो उमेरदेखि सारंगी बजाउने पुख्यौली पेशा अपनाउँदै आएका उनले जीवनको अन्तिम क्षणसम्म पनि सारंगी बजाउँदै आएका थिए।
२०२२ सालमा रेडियो नेपालमा जागिरे भए। २० वर्षको कलिलो उमेरमा उनी भूमि सुधारको कर्खा गएर तत्कालीन राजा महेन्द्रको रोजाइमा परेका थिए। २०२२ सालमा ‘खरबारीको छेउ’ बोलको गीत रेकर्ड गराइ २०२७ सालसम्म रेडियो नेपालमा जागिरेका रुपमा सेवा गरेका थिए। ९० सालको महाभूकम्प, पृथ्वीनारायण शाहको जीवनी, जंगबहादुरको सत्ता उत्थान, विश्वयुद्ध, डाँफे चरी लगायतका कर्खा, सवाई उनले रेडियो नेपालबाट गायका थिए।
